Pigtawan duon kan Malakanyang na an boto kan Senado na i-archive an impeachment case kontra ki Vice President Sara Duterte an dae kontra sa administrasyong Marcos.
An katuwiran ni Presidential Communications Office (PCO) Undersecretary asin Palace Press Officer Claire Castro, an administrasyong Marcos an ‘not a party in the proceedings.”
Pinanindugan ni Castro na dae makikiaram an Executive Department sa impeachment process. Bako an ehekutibo an nagsunad o nag-submit man Articles of Impeachment kundi an House of Representatives, duon pa na pahayag ni Castro sa sarong entrevista.
Sinaysay pa ni Castro na an boto kan Senado an dae makakaraot ki Presidente Ferdinand Marcos Jr., kundi sa House prosecutors asin man duman sa mga naghahanap nin katotohanan sa alegasyon kan maanomalyang paggamit nin pondo.
Pigtawan duon pa ni Castro na igagalang ni Presidente Marcos an desisyon kan Korte Suprema sa motion for reconsideration kan House of Representatives. Huli ta an Supreme Court soboot an final arbiter kan arin man na legal issues.
