Aram baya nindo mga ka-Bombo, opisyal nang itinalaga an calico cat na si Yontama komo bagong station master kan Kishi Station sa Kinokawa City makalihis an porma na seremonya na pinag-atendiran kan mga opisyal kan Wakayama Railway Electric company.
Nabakante an nasambitan ng posisyon makalihis na bawian nin buhay an dating station master na si Nitama kan nakalihis na Nobyembre, na nagsirbi sa riles sa laog kan haros sarong dekada.
Sa pangengenot ni Wakayama Electric Railway President Mitsunobu Kojima, pigsulot an sarong medalya sa liog ni Yontama komo simbolo kan saiyang bagong tungkulin asin responsibilidad sa nasambitan ng istasyon.
Alagad maski garo kaogmahan sana para sa iba, seryoso asin importante an papel kan mga “cat stationmasters” sa historya kan nasambitan ng istasyon.
An saindang presensiya an nagsisirbing major tourist attraction na nagbubuhay sa ekonomiya kan rural railway line na dati an nasa peligro kan magsarado huli sa kakulangan kan pasahero.
Sa parehong okasyon, ipinabisto man kan kompanya an saindang pinakabagong recruit na si Rokutama, sarong kuting na calico cat.
Nilinaw kan pamayuhan na bako ining apprentice kundi sarong “stationmaster candidate”.
Piglalaomang ipagpapadagos ninda Yontama asin Rokutama an legacy na winalat kan saindang mga predecessor sa pag-akit kan mga turista asin pagtataong-sigla sa komunidad.
