Naglibot an mga personahe kan City Agriculture Office kaibahan si Acting City Agriculturist, Jap Asence, sa mga satellite markets o talipapa sa siyudad nin Naga.
An nasambitan ng lakdang an komo pagresponde sa biglaang paglangkaw nin presyo kan mga barakalon sa ibong kan pagpautob kan Price Freeze makalihis an panlalamasa kan Bagyong Kristine.
Nilibot kan mga nasambitan ng opisyal an People’s Mart sa Liboton, San Felipe Satellite Market, Balatas Satellite Market asin Isarog Satellite Market.
Pigmonitor an presyo kan mga agri-products asin dagos naman na pigdistribwer an pigpapaotob na Price Freeze Matrix kan Department of Agriculture.
Ini komoparte kan Resolution No. 2024-535 o State of Calamity Declaration sa syudad sa kasagsagi kan nakalihis na bagyong Kristine kan Oktubre 23, 2024.
Marurumduman, an pigpautob kan Department of Agriculture na Price Freeze an mairal sa laog kan 60 days, sa irarom kan Republic Act 7581, para sa mga basic agricultural necessities sa laog kan syudad nin Naga.
