NAGA CITY- Padagos an pagtatao nin tabang kan Department of Agriculture sa mga paraoma na naapektaran kan Bagyong Kristine sa Camarines Sur.
Sa nagin patara-tara ni DA Sec. Francisco Tiu Laurel Jr, sinaysay kaini preparado na soboot an mga banhi asin fertilizer kan mga paraoma enkaso magbweltada na an mga ini sa liwat na pagtatanom makalihis an panlalamasa kan nasambitan ng Bagyo.
Sigun sa sekretaryo nagdestrebwer sinda nin bio fertilizer, hybrid seeds, root enhancer asin iba pa na makakatabang nin dakula sa liwat na pagbuhat kan mga local farmers sa probinsiya.
Dugang pa ni Laurel, an nasambitan ng tabang apwera pa sa financial aid na saindang pigtatao orog na an indemnity check na gikan sa Philippine Crop Insurance Corporation.
Obheto kan mga lakdang na nasambitan an tanganing masierto na igwang pagkakan an gabos na mga Pilipino sa mga masurunod na aldaw.
Sa ngunyan, pigsierto na sana kan opisyal na padagos an pagtabang kan gobierno sa gabos na mga nangangaipuhan na paraoma sa bilog na nasyon.
