Nagtutubod si Education Secretary Sonny Angara na malangkaw man an sweldo kan mga public school teachers sa irarom kan administrasyon ni Presidente Ferdinand Marcos Jr asin liwat na mapa-angat an edukasyon sa bilog na nasyon tanganing makipagsabayan sa bilog na kinaban.
Pigsaysay man ni Angara, ini nin huli ta pigbibisto kan Punong Ehekutibo an mga educators komo sentro kan education system.
Sa pigsagibong ikatolong SONA kan Presidente kasuudma, pighamon kaini an bagong Secretary kan Department of Education na mantiniron an kalidad kan edukasyon sa nasyon siringman an pag-ataman sa mga paratukdo asin pakatutukan an saindang mga benepisyo.
Pigpahayag pa ni Angara na balak ni Presidente Marcos na magbilog nin bagong ranks para sa mga public school teachers tanganing maparekas an promotion kan mga educators.
