Hahagadon kan Senado an kumpletong detalye kan Department of Foreign Affairs (DFA) sa pag-uyon kaini na paramientras na mag-istar sa Pilipinas an Afghan nationals.
Ini an mantang pig-poproseso ninda an saindang aplikasyon para sa special immigrant visa asin resettlement sa Amerika.
Sigun ki Senate President Chiz Escudero, gagamiton ninda an pagkakataon na mahapot an DFA sa deliberasyon sa budget kan departamento para sa taong 2025.
Soboot, an budget hearings kan S enado an bako sanang para sa paniningil asin pag-usisa kun paano ginagamit an pondo kan mga ahensya kan gobyerno, kundi para man sa paglilinaw sa mga isyu.
Sa ibong kaini, piglinaw ni Escudero na mayong dapat ikahandal digdi an publiko nin huli ta an Afghan nationals na aakuon sa nasyon an nakatabang sa paglaban kan Amerika sa mga terorista sa Afghanistan.
