Kinumpirmar ni Foreign Affairs Secretary Ma. Theresa Lazaro an saiyang pakikipag-ulay sa Iranian Ambassador sa Pilipinas na si Yousef Esmaeilzadeh sa tahaw kan nagdadakulang tensyon sa Middle East.
Segun ki Lazaro, kaibahan niya si Energy Secretary Sharon Garin sa nasabing pagtiripon kun saen pinag-olayan an manlaen-laen na lugar kan pagtatarabangan kan Pilipinas asin Iran, kabale na an energy cooperation. Alagad, dae man pigkumpirmar kan secretary kun napag-olayan an posibleng pag-import kan Philippine oil hale sa Iran.
Dati nang sinabi kan Department of Energy na nagtatabang man an Department of Foreign Affairs sa pakikoordinar sa manlaen-laen na embassy dapit sa pagsierto kan supply nin langis kan nasyon.
Advertisement
Advertisement
