NAGA CITY – Pigsierto kan Department of Agriculture (DA) na mas dakul pang mga lokal na gobyerno an mapapabali sa bentahan nin ₱29/kilo nin bagas sa mga masunod na semana.
Sigun ki DA Spokesperson Asec. Arnel de Mesa, puon kan ilunsar ninda an ₱29 program, sunod-sunod na an pakikipag-koordinar kan mga LGU tanganing magkaigwa man nin bentahan nin baratong bagas sa saindang nasasakupan.
Sigun pa ki De Mesa, pigsasaayos na ninda an mga guidelines tanganing masierto na mga bulnerableng sektor an makakabakal nin baratong bagas.
Sa Agosto planong ilunsar sa Visayas an ₱29 program.
Pigsierto man kaini na may bastanteng suplay nin baratong bagas tanganing mapadagos an programa.
