Nagtinta sa sarong Memorandum of Understanding (MOU) an Department of Agriculture (DA) asin halangkaw na opisyales kan Philippine Postal Corp. (Philpost) tangani pahewason an Kadiwa ng Pangulo Program.
Ini man an parte kan mga lakdang tangani makapagtugdok nin mas kadakol pang mga Kadiwa Center sa bilog na nasyon.
Sigun ki Agriculture Secretary Francisco Tiu Laurel Jr., an partnership na ini an sarong patunay sa kapangyarihan kan pagtarabangan asin pagkakasararo kan mga institusyon tangani magtao nin serbisyo sa mga Pilipino.
Sa irarom kan kasunduan, an DA an matao nin teknikal asin administrative support para sa operasyon asin man pagtatatag kan Kadiwa Stores kabali na an pagsusuplay nin mga baratong agricultural products sa paagi kan mga farmer’s cooperatives.
An PhilPost an igwa nin 1,100 opisina sa bilog na Pilipinas asin 67 digde an nasa Metro Manila asin Luzon. Target kan DA na makapagtugdok nin 1,500 Kadiwa Stores sa bilog na nasyon antes na matapos an termino ni Presidente Ferdinand ‘Bongbong’ Marcos Jr. sa taong 2028.
