Pigsierto kan House of Representatives na sinda an masimbag sa kahagadan kan Korte Suprema katakod sa petisyon sa impeachment kontra ki Vice President Sara Duterte.
Sigun ki House of Representatives Spokesperson Atty. Princess Abante na masumiter sinda nin dugang na sworn information na igwang koneksiyon sa impeachment kontra sa Bise Presidente.
An pahayag na ini ni Abante an makalihis maresebir kan Kamara an kopya kan Supreme Court kan nakalihis na July 8 na naghahagad nin mga dokumentos katakod sa impeachment.
Ini an igwang koneksiyon sa pigsusunad na petisyon kan kampo ni Duterte na pighahamon an constitutionality asin an presenteng proseso kan impeachment proceedings sa Senado.Dugang pa ni Abante na an nasambitan ng ulayan an sainda ng pig-refer sa Office of the Solicitor General na iyong ma-representar sa House of Representatives sa nasambitan ng kaso.
Pigsierto man ni Abante na makikipag-koordinar sinda sa OSG tanganing masierto na maisumiter an mga pighahagad na mga dokumentos.
Sa ipigluwas na resolusyon kan Supreme Court kapwa pigsugo kaini an Kamara asin Senado na mag sumiter kan mga dokumentos.
Pig-impeached kan House of Representatives si VP Sara huli sa mulitiple grounds kaibahan na digde an salang paggamit kan P125 million confidential funds na ginatos sa laog kan 11 aldaw kan nakalihis na Disyembre 2022.
