Pigsierto ni House Speaker Faustino “Bojie” Dy III na rerepasuhon kan Kamara an mga patakaran dapit sa pampublikong paglalathala kan Statements of Assets, Liabilities and Net Worth ( SALN) kan mga lehislador tanganing ibusol an transparency asin paninimbagan sa gobyerno.
Inihayag ni Dy na bukas man an mga miyembros kan Kamara sa ideya asin papag-urulayan ninda ini nin pormal sa panahon kan congressional break.
An pahayag kan Speaker an kasunod kan bagong kasuguan ni Ombudsman Jesus Crispin “Boying” Remulla na liwat na pigbubukasan an akses an publiko sa SALN kan mga opisyal kam gobyerno.
Sigun sa direktiba, pwedeng maghagad nin kopya an publiko sa laog nin 10 aldaw gikan sa aldaw kan pagsusumiter, basta natatakupan an sensitibong personal na impormasyon.
Sinaysay ni Remulla na mahagad ini nin kopya kan SALN gikan sa Senado asin Kamara.
Sigun ki Dy, dati nang bukas sa publiko an SALN kan mga lehislador asin dapat ibweltada an siring na sistema.
Kan haputon kun preparado ba ining mangenot sa pagbubunyag kan sadiring SALN, simbag ni Dy na kun kinakaipuhan, gigibuhon ini kaini.
