NAGA CITY- Nagpagirumdom an sarong kapitan sa siyudad nin Naga sa mga maguran na ibahan o bantayan an mga aki na nangangarol.
Sa entrevista kan Bombo Radyo Naga ki Jerrold Rito, Kapitan kan Brgy. Concepcion Grande, sinaysay kaini na igwa nin nagpaabot sa saindang lado, na igwa soboot nin mga minor de edad an mga nagkakarol sa saindang barangay na nagkukurahaw asin an iba digdi an nagsisigarilyo pa.
Huli digdi, nagpagirumdom an kapitan sa mga magurang na bantayan nin marhay an saindang mga aki asin mas marhay na ibahan an mga ini enkaso mangangarol.
Dugang pa kaini na mas marhay na sa lugar sana na nahihiling an mga aki tugotan mangarol orog na pagbanggi nin huli ta kapag igwa sinda nin nanutaran an mga aki pag-abot kan alas-9 nin pagkabanggi, pig-sisita na an mga ini asin pighahatod sa saindang harong orog na ta pigpapairal man ninda an curfew hours.
