Didisiplinahon na kan komitiba nin transportasyon an mga nagbabayolar na mga pedicab driver sa Sta. Cruz sa ciudad nin Naga.
Sa entrevista kan Bombo Radyo Naga ki Jimbim Delos Santos, Barangay Kagawad, Committee on Transportation and Public Utility pigsaysay kaini na igwa talaga soboot dae nagsusurunod asin igwang petisyon naman an zone 7 katakod digde.
Sigun pa sa opisyal, huri naman naasikaso an siring na isyu huli man ta igwang problema an nasambitan ng barangay.
Dugang pa ni Delos Santos, sa pagbwelta man soboot ni Kapitan Largo makalihis an pirang taon, pighalungkat man ninda an mga records alagad missing o nagkakawarara soboot an mga ini kaya man mapuon sinda sa pinakapuon.
Pigtawan duon pa man kan opisyal na naggigibo sinda nin mga bagong ordinansa sa ngunyan kun saen saro naman na ebidensiya na pano soboot an saindang blotter kun kaya kaipuhan ninda na disiplinahon an mga nagbabayolar sa siring na mga kasuguan.
Pigsaysay pa ni Delos Santos na sa three consecutuve violations, en enot igwang penalty na tulos, panduwa iyo an non-penalty asin pantulo iyo man an revocation.
Dugang pa kaini na pigplano man kan saindang barangay na magkaigwa nin e-padyak pilot project sa paagi kan pagkaulay sa mga barangay sa paagi kan ABC session kaibahan man an manlaen-laen na kapitan kun saen 10 pesos man an magigin pamasahe maski saro sanang pasahero saen na ruta sa laog kan barangay.
Katakod digde, pigtawan duon pa man kan opisyal na nakarani na sinda sa regional office kan DSWD asin nailakaw na sa senado para sa man sa livelihood program na mabebenipisyuhan kan E-padyak asin tatawan nin dugang na 15,000 pandown digde.
Naghahalat pa man an mga ini kan proposal makalihis na makaulay si Senator Raffy Tulfo tangani man na marealisar an saindang plano effective na serbisyo sa mga tawo asin livelihood sa mga sektor nin transportasyon.
Mientrastanto, pakiulay man ni Delos Santos para sa masunod na alkalde kan ciudad nin Naga na magkaigwa nin city light evaluation kan mga public utility huli ta herak man soboot kan riding public.
Sa ngunyan, nangangapudan man an opisyal bako sana sa mga parapadyak kundi pati na man sa mga residente na biktima kan pang-aabuso kan mga pedicab driver na mag-aksiyon man tulos tangani man na dai mautro an siring na kapasawayan, asin para man sa mga pedicab driver igwang oras pa soboot na baguhon an siring na mga pag-uugali.
