Kinatigan kan Kataastaasang hukuman an inisyu kan Senado na subpoena na obhetong suguan si former Bamban Mayor Alice Guo na magtestigo sa imbestigasyon.
Sa desisyong isinurat ni Associate Justice Japar Dimaampao sa nangyari na En Banc session kan Supreme Court, ibinasura kaini an petisyon ni Alice Guo dapit sa subpoena.
Mawot kaya kan kampo kan dating alkalde na hamunon an nasambitan ng subpoena kan Senate Committee on Women, Children, Family Relations, asin Gender Equality (Committee) na mawot kaining imbitaran komo resource person.
Katakod an subpoena sa ‘inquiry’ kan Senado sa ilegal na operasyon kan Philippine Offshore Gaming Operator o POGO sa Bamban, Tarlac kun saen ini nagsirbi komo alkalde.
Marurumdumang nag-isyu an kumite kan Senado nin ‘arrest order’ kontra ki Alice Guo huli man sa dae kaini pag atendir sa duwang pagdangog.
Kaya man nagsunad si Guo nin petisyon sa Korte Suprema asin pighurot na an Senado an nilabag an saiyang karapatan magkaigwa nin due process, privacy asin security.
Pighagad man kaini sa Supreme Court na halion kaini an kinakaatubang na ‘contempt order’ kontra sa saiya. Alagad sa ibong kaini, pigtawan duon kan Kataastaasang Hukuman na mayo man pigbalgar an Senado asin sinunod man soboot ninda an Senate Rules of Procedure asin konstitusyon.
