Aram baya nindo mga ka-bombo, sarong Chinese na lakaki an napahali sa saiyang pigrerentahan na apartment duwang beses na ngunyan na taon huli sa saiyang kakaibang ataman na hayop, iyo an itom na damulag o kalabaw.
Binisto an lalaki na si Mr. Chen, sarong 30-anyos na retired boxer na presenteng nagta-trabaho komo part-time fitness asin boxing coach gikan sa Foshan probinsiya kan Guangdong sa China.
Nagin overnight celebrity an lalaki huli sa saiyang kakaibang ataman na hayop.
Sigun ki Mr. Chen, kan nakalihis na bulan nin Enero nagbakal ini nin buffalo calf asin ginibo komo pet.
Plano soboot kaini na magbakal nin Ido alagad saiyang naisip na mas marhay an pagkakaigwa nin buffalo calf.
Pigtawan duon kan nasambitan ng lalaki na an Buffalo na ini nagseserbeng pagirumdom na kaipuhan na magtrabaho tanganing maabot an saiyang pangiturugan alagad kaipuhan man an paglikay tanganing dae magkayod kabayo.
Huli sa saiyang kakaibang ataman duwang beses na ining napapahali sa pigrerentahan na apartment huli ta habo kan saiyang mga landlord an saiyang ataman.
Sa ngunyan, pursigido si Mr.Chen na atamanon pa man giraray an Buffalo asin maghanap nin marerentahan na apartment.
