Pighurot kan Malacañang na padagos na dedepensaran kan gobyerno an soberenya kan Pilipinas sa West Philippine Sea (WPS) alinsunod sa paninindugan ni Presidente Ferdinand Marcos Jr.
Sigun ki Palace Press Officer Claire Castro, nagtitinir na legally binding asin nagsisirbing cornerstone kan international maritime law an arbitral ruling na nagsisirbing giya sa national policy kabali na an Philippine Maritime Zones Act, asin nagpapakusog sa legal asin operational posture kan nasyon.
Katakod kaini pig inkaminar kan Palasyo an publiko na suportaran an gobyerno tangani ihurot an 2016 South China Sea Arbitral Award komo pundasyon kan national sovereignty.
Ngunyan na bulan, pig komemorar kan Pilipinas an ika-siyam na taong anibersaryo kan Arbitral Award na nagpapawarang bisa sa nine dash line claims kan China.
Pigsierto man ni Castro na padagos an commitment kan Pilipinas sa rule of law asin sa United Nations Convention on the Law of the Sea (UNCLOS).
