NAGA CITY- Nagkaigwa nin pag-urulay an Market Enterprise and Promotions Office, kaibahan an CBD 1 vendors tanganing tukaron an pag-establisar nin Task Force para sa Safe, Walkable, asin Accessible Sidewalks sa syudad susog sa Executive Order No. 2025-013.
An nasambitan ng pag-urulay an sa pangengenot ni Market Superintendent Ramon Florendo, asin NCPO Chief kan Traffic Enforcement Unit PLtCol Van Layosa.
Saro sa mga sentro kan pag-urulay an pag-presentar kan proposed relocation areas para sa mga paratienda, orog na sa mga na-ookupar kan sidewalks asin agihan.
Marurumduman, saro sa piglalapigutan na mapakarhay kan lokal na gobierno kan siyudad nin Naga an pagigin malinig kan kasentruhan asin mahali na an mga ulang sa pinag-aagihan kan mga tawo.
Nagkri-kriar soboot kaya ini nin dakulang problema asin pinagpupuonan kan mga agrangay gikan sa mga residentes asin mga naapektaran kaini.
Huli digde, kaipuhan na magbilog nin komprehensibong lakdang tanganing masimbagan an problema na patas para sa gabos.
Sa paagi kan pag-urulay nadadangog an lado kan mga paratienda asin nakakabilog nin marhay na paagi sa pagsimbag sa problema.
Sa ngunyan, pigsierto na sana kan Market Enterprise and Promotions Office na padagos an saindang paglalapigot tanganing magkaigwa nin marhay na katuyuhan dapit sa mga kinakahampang na angat kan siyudad pag-abot sa mga vendors.
