Aram baya nindo mga ka-Bombo, nalaog sa alanganin na sitwasyon an buhay kan sarong mermaid performer kan matanggal an saiyang goggles asin flippers asin mawaran nin malay sa laog kan aquarium mantang nagtatanghal sa Taiyuan Ocean World sa Shanxi, China.
Sarong staff an nagsisid tanganing kuanon an mermaid performer na mayo na kaidtong malay. Tulos na dinara an babaye sa ospital.
Sinabi kan pamilya kan babae na nagkaigwa ini nin pulmonary edema makalihis na naglaog an tubig sa saiyang baga. Kinaipohan ining ilaog sa ICU huli digdi.
Pigbisto an mermaid performer komo si “Ms. Feng,” na nawaran nin malay huli sa hypoglycemia, sigun sa mga inisyal na report.
Importante an goggles para sa underwater vision, mantang kaipohan an flippers tanganing maglataw an performer dawa magabat an mermaid costume.
Pigluwas kan pirang ahensiya kan gobyerno an video huli sa mga pangapodan na paninimbagon an pamayohan kan park.
Pigkuwestiyon kaya kan mga otoridad an pagpalya kan automatic alarm device sa aquarium, asin mayo man soboot nin underwater oxygen supply system asin mayong darang oxygen equipment an nag-rescue.
Sa ngunyan, nakaluwas naman nin ICU an performer.
