Nag-atendir an nagkapirang celebrities asin personalidad sa ika-apat na State of the Nation Address (SONA) ni Presidente Ferdinand Marcos Jr. na pigkundusir ngunyan na Lunes sa Batasang Pambansa sa Quezon City.
Bagaman mayong pigpreparar na seremonyas o photo setup sa red carpet huli sa raot nin panahon, sinigurado pa man kan mga bisita na nakasulot sinda nin angkop asin pormal para sa okasyon.
Kabali sa mga nag-atendir an nagkapirang bistadongg pangaran sa showbiz asin iba pang ladangan sa pulitika.
Saro si Heart Evangelista sa mga celebrities na nag-atendir sa ika-SONA ni PBBM. Sulot an puting Filipiniana na may folded details mantang nakasulot nin klasikong Barong Tagalog asin itom na pantalon si Senate President Chiz Escudero asin aki na si Quino.
Dae man nagpahuri si Pia Wurtzbach na nagsulot nin modernized white terno na may sheer skirt.
Bitbit kaini an sarong white clutch asin simple alagad eleganteng alahas, kabali an sarong Philippine flag pin komo patriotic accent. mientrastanto, nag atendir man si Leyte 4th District Representative Richard Gomez na naka-simple alagad klasikong burdadong barong.
An aki na si Juliana Gomez sulot man an sarong makulay na modernong Filipiniana na may draped asin knotted fabric details.
