NAGA CITY – Ipinapaabot tulos kan Department of Agriculture an mga programa sa publiko tanganing mai-adress an anuman na problema sa sektor kan agrikultura.
Sa naging paghampang sa mga kagawad kan media ni Bernadette Delos Santos, Executive Director III kan Phil. Council for Agriculture and Fisheries, sinaysay kaini na mandato na maipamate sa lambang namamanwaan na kabali sinda sa mga plano kan saindang ahensya orog na kan Department of Agriculture.
Sigun ki Delos Santos, sulamenteng an DA sana an nagkokonsulta sa mga paraoma asin parasisira kun anong polisiya an dapat ipautob asin nagdadangog sa agrangay kan mga ini.
Siringman, enkaso igwa nin programa an tulos ninda ining pigpapaaram sa publiko.
Mientrastanto, pangenot na kahagadan kan taumbayan an baratong bagas siring na sana kan P20 na bagas na pig-aadress naman kan ahensya.
