Bukas an nagkapirang senador sa pagbuhay liwat kan joint oil exploration sa pagultanan kan Pilipinas asin China sa West Philippine Sea para sa posibleng pinagkukuanan nin suplay nin enerhiya para sa nasyon sa tahaw kan padagos na paglangkaw kan presyo kan langis.
Segun ki Presidente kan Senado Tito Sotto III, kan panahon ni dating Presidente Rodrigo Duterte, pigtutulod na ninda an Philippine-China oil and gas exploration asin pig-aprobaran ini kan nakaaging administrasyon, alagad dae ini nag-abante.
Naglalaom si Sotto na sa irarom kan administrasyon ni Marcos, magpapadagos an oil exploration kan duwang nasyon na piglalaoman na makakatabang sa supply nin lana, urog na ngonian na nagpapadagos pa an tensyon sa Middle East.
Mahagad suboot siya nin miting dapit digdi tangarig pag-olayan an posibleng pagpapadagos kan nasambitan na lakdang.
Mientrastanto, sinuportaran man ni Senador Sherwin Gatchalian an joint oil exploration, alagad kaipuhan na maseguro na masunod an Tsina sa ley kan Pilipinas asin ikokonsidera an soberaniya asin deretso kan nasyon.
