NAGA CITY- Nag-apelar an Philippine Coast Guard(PCG) sa counterparts kaini na punduhon na an paggamit nin water cannon laban sa kapwa coast guard.
Pigheras ini ni Philippine Coast Guard Commandant Admiral Ronnie Gavan, sa tahaw kan mga insidente nin pangha-harass kan China Coast Guard sa mga tauhan kan PCG.
Sa nagin patara-tara ni Gavan sa special session para sa Maritime Law Enforcement and Confidence Building sa Singapore, pigsambit kaini na dai magayong hilingon na binobomba nin tubig an coast guard kan kapwa kaini bantay dagat.
Naglalaom soboot ini na mapupundo na an siring kaining insidente asin ang paggamit kan pwersa sa kadagatan.
Sigun pa ki Gavan, dai dapat gamiton sa pagmitsa kan kalayo an water cannon kundi panggadan sulo asin pangsagip nin buhay. Sa huri, pigsambit kan opisyal na mantinidong propesyunal asin kalmado an Pilipinas sa tahaw kan tensiyon sa West Philippine Sea.
