Mahigot na pigtutukan ni Presidente Ferdinand Marcos Jr., an food inflation kabali an presyo kan bagas, mais, asukar, sira, karneng manok asin orig.
Ini an sa katahawan kan resulta kan nagkapirang survey kun saen nagluwas na an inflation an pangenot na problema kan mga Pilipino.
Sa Malacañang press brieifing, sinaysay ni Agriculture Secretary Francisco Tiu Laurel Jr., na semanahan pigbantayan kan Pesidente an paghiro kan presyo kan mga pangenot na barakalon.
Sigun man ki Finance Secretary Ralph Recto, namamatean na an mga pigsasagibo kan pamahalaan tanganing mapababa an inflation.
Pigbida man kaini an social programs kan gobyerno siring kan Pantawid Pamilyang Pilipino Program, AKAP, AICS, asin iba pa, na pigtagamahan nin labi sa 500 bilyong piso asin nasa 12 milyong Pilipino an piglalaomang makikinabang digde.
