Nangapodan si Presidente Ferdinand Marcos Jr., sa mga Pilipinong botante na magpili nin mga lider na igwang integridad asin kakayanan asin malasakit sa taumbayan.
Pig-enkaminar man kan Presidente an gabos kan mga registered voters na gamiton an karapatang magboto.
Sa irarom kan Proclamation No. 878 pigdeklarar ni Presidente Marcos an May 12,2025, saaga Lunes, komo special non-working holiday tanganing makapagpartisipar an gabos kan mga registered voters na magboto sa national and local elections.
Pig-enkaminar kan Presidente an mga botante na pilion an kandidatong igwang malasakit, kakayanan, asin igwang paninindugan huli sa tamang pagpili, iribahan na mabibilog an Bagong Pilipinas.
Pigsierto man ni PCO Secretary Jay Ruiz sa publiko na mahigot na nakikipag-koordinar an manlaen-laen na ahensiya kan gobyerno sa mga stakeholders tanganing masierto na magin honest, orderly asin peaceful an 2025 midterm elections.
Pigtawan-duon ni Sec. Ruiz na an mga mapagkakatiwalaang eleksiyon an importante sa pagbilog kan sarong digitally empowered democracy kun saen pinaninindugan an transparency asin tiwala.
