Pigbubusol ngunyan kan sarong koalisyon sa transportasyon an kahagadan na magkaigwa nin pagbabago sa minimum fixed rate kan mga Transport Network Vehicle Service (TNVS) providers.
Pangapodan kaya kan grupo na gibuhon nang 150 hasta 200 pesos an magigin presyo sa paglunad kan mga pasahero sa saindang pagbu-book kan malulunadan.
Kaya man, an nasambitan ng koalisyon an nagtuyong magpasiring sa Land Transportation Franchising and Regulatory Board (LTFRB) tanganing magsumiter kan saindang petisyon.
Sigun ki Gerric Asuncion, an presenteng pamayo kan United Transportation Coalition Philippines, an saindang pangapodan na pagtatalaga kan siring na singil sa pamasahe an tanganing mabawasan na man an kadalasang pagkakanselar sa mga booking.
Alagad paglilinaw man kaini, dae kaini mawot na magkaigwa nin paglangkaw sa pamasahe kan mga pasahero kada sinda malunad sa digde.
Imbes, hurot ni Gerric Asuncion na an saindang pigmungkahi sana sa petisyon an pagrerebyu sa fare matrix huli soboot, dae na ini nakakasabay sa sitwasyon ngunyan.
Pahayag man kan saro pa kaining kaibahan na si Edison Natividad, sobrang baba soboot kan presenteng rate sa fare kan saindang kada-biyahe.
