NAGA CITY- Nagpapadagos an pigsasagibong preparasyon sa sarong barangay sa siyudad nin Naga ngunyan na tag-uran.
Sa nagin entrevista kan Bombo Radyo Naga ki Angelo Romano Bediola, Kapitan kan Brgy. Igualdad, Naga City, pigsaysay kaini na pira sa saindang preparasyon sa tag-uran an pagde-declogging sa mga canals, paglinig sa mga zona kan barangay asin saro man saindang pigpopromoter ngunyan an environmental awareness protection asin kalinigan sa barangay o an Zona ko Linig ko program na nagtatao nin mga insentibo sa mga zona na namamantinir an kalinigan. Kun saen, P10,000 para sa manggagana, P7,000 sa masunod asin sa mga dae man manggagarana an tatawan paman giraray nin pondo.
An nasambitan ng programa an komo pag-enkaminar sa saindang nasasakupan na bako sanang an mga opisyal kan barangay an dapat na nahihiling na naglilinig, alagad dapat na embwelto man digdi an mga residentes.
Katakod kaini, maski pa soboot dae pa pigsasagibo an programa, aware na an mga tawo huli sa pagdisiminar nin impormasyon na saindang pigkundusir. Kun saen, igwa na nin mga zona an nagkrear na nin Rabus Organizatation na nagpapaabot nin interest sa aktibidad.
Katakod kaini, kabali man an Zone 6A, Zone 6B asin Zone 5 sa mga prone sa pagbaha kun kaya digdi sinda nakapokus para sa declogging sa paagi naman kan Kalinigan program.
Pinag-urgolyo man kan kapitan na mayo nin kaso kan dengue sa saindang barangay. Saro sa nahihiling kaining karasonan an huli sa tamang pagsegregate kan mga basura kan lambang harong siringman an inisyatibo kan barangay sa program pag-abot sa kalanigan
