NAGA CITY – Nagpromesa an pamayuhan kan Police Regional Office 5 na magpapadagos an saindang pagseserbi sa lambang Bikolano sa enterong rehiyon.
Sa nagin paghampang sa mga kagawad kan media ni PBGen. Andre Dizon, Regional Director kan PRO5, sinaysay kaini na sa irarom kan pamamayo ni Presidente Ferdinand Marcos Jr, nagsagibo sinda nin mga bagong estratihiya asin inobasyon tanganing masimbagan an mga pangangaipuhan kan rehiyon.
Kun sain, nagpopokus soboot sinda sa community engagement, crime prevention asin over-all public safety.
An nasambitan ng mga lakdang an igwa nin obheto na masierto an kasalbaduhan kan lambang saro asin magkaigwa nin sarong lugar na salbado para sa mga tawo.
Katakod kaini, naglunsar man sinda nin manlaen-laeng programa tanganing malabanan an manlaen-laeng klase kan kriminalidad siring kan paglaban sa iligal na droga, pagkakaarestar sa mga wanted individuals, asin iba pa.
Nagresulta man ini sa pagkakaarestar sa mga indibidwal na imbwelto sa mga nasambitan ng salang gibo. Katakod kaini, magpapadagos man soboot an saindang paglapigot tanganing mamantinir na salbado an rehiyon Bicol para sa gabos na mga Bikolano.
