Nahahadit si United Nations humanitarian chief Tom Fletcher na magkakaigwa nin negatibong resulta enkaso dagusang naraot an ceasefire deal sa pag-ultanan kan Hamas asin Israel.
Pigsaysay kaini na dae pa dagusang napapakarhay an kondisyon sa Gaza asin kadakol pa sa sainda an nagugutom.
Basado sa saindang pagtaya na igwang duwa o labi pa sa 10,000 katawo an binabawia nin buhay sa Gaza huli sa kagutuman.
Marurumduman kan nakalihis na bula kan ipautob an ceasefire kun saen kadakol na mga bihag na man an napalibre kan Hamas mantang nagkapirang Palestinian inmates naman an pinakawaran kan Israel.
Mientrastato, pigkondenar man kan grupong Hamas an naging pahayag ni Israeli Prime Minister Benjamin Netanyahu na dapat ibusol an Palestinian state sa Saudi Arabia.
Sigun sa militant group na Hamas na an nasambitan ng pahayag an bakong marhay na pakikitungo sa Saudi Arabia asin mga Palestino.
Sa ngunyan, nangapudan na sana an Hamas nin pagkakasararo kan Arab nations na kontrahon an anuman na mapanraot na pahayag.
