NAGA CITY – Kinakarkulong nasa P35-M an kantidad kan pitong bloke kan suspected cocaine na narekober sa babayon na sakop kan Barangay Cagsiay 1Mauban, Quezon.
Sa entrevista kan Bombo Radyo Naga ki P/Maj. Elizabeth Capistrano, tagapagtaram kan Quezon Police Provincial Office, sinaysay kaini na nasa kustodiya na kan Provincial Crime Laboratory an nasambitan ng package para sa eksaminasyon.
Sigon ki Capistrano, ini na an pinakadakulang kantidad nin cocaine na narekober sa saro sanang lugar puon kan may mga narerekober na floating substance sa kadagatan.
Enot digdi, sarong fish vendor gikan sa nasambitan ng lugar an nakapurot sa nasambitan ng mga package na tulos man na itinurn over sa mga otoridad.
Mientratanto, pigsierto man ni Capistrano na may makukuhang pabuya an nasambitan ng indibidwal gikan sa PNP-Calabarzon na enot nang pigpromesa ni P/BGen. Edward Carranza.
