Nagpuon nang maglayag an Atin Ito Coalition pasiring West Philippine Sea para sa saindang ika-tolong civilian mission sakay kan MV Kapitan Felix Oca na naghali ngunyan na aldaw, pasado alas-6 nin pagkaaga.
Enot nindang babaybayon an pasiring nin El Nido, Palawan kun saen gaganapon an sarong musical event para sa pre-departure kan mga volunteers.
Puon man digde, mapasiring na an saindang ship sa general vacinity kan Pag-asa Island para man sa sarong sea concert para sa katoninongan asin pagkasararo.
Sigun ki Atin Ito Convenor Rafaela David, obheto kan mga concert na ini na buhayon an diwa kan mga komunidad sa baybayon sa paagi kan pagpapakusog kan saindang eksperyensiya asin harangon siring man tanganing pagyamanon an pagkasararo kan lambang rehiyon asin parasira.
Dugang pa ni David, malayag sinda dara an mga sonata asin istoryang kultural asin istorya kan mga parasiya asin bakong gamit kan mga barkong pandigma asin bako man para sa poot.
Mientrastanto, naenot na digde an pig-aako kan Armed Forces of the Philippines (AFP) asin kan Philippine Navy (PHNAVY) an mga suporta gikan sa manlaen-laen na civic groups na preparadong magpaabot kan saindang tabang para sa nasambitan ng misyon.
