Nagsagibo an Chinese adin Russian bombers nin primerong joint flight harani sa Shikoku Region sa Western Japan.
Kinumpirmar ini kan Joint Staff Office kan Defense of Ministry kan Japan.
Sigun ki Chief Cabinet Secretary Minoru Kihara, sarong coercive action an ginibo kan Chinese asin Russian bombers kontra sa Japan.
Nagpahayag man an Japanese government nin labi sa pagkahadit para sa saindang national security sa China asin Russia.
Kan nakalihis na aldaw nin Martes, magkaibahang nagpasiring an duwang Russian Tu-95 bombers gikan sa Sea of Japan asin duwang Chinese H-6 bombers na nagtagpo sa may East China Sea saka nag-agi sa tahaw kan maim asin Miyakojima island kan southermost Japan prefecture kan Okinawa.
Nag-iba nin direction an nasambitan ng bomber planes sa may Pacific Ocean harani sa Shikoku tanganing magbweltada sa East China Sea. Sa kasagsagan kan joint flight, inibayan an mga ini kan Chinese J-16 fighters.
Nanutaran man an Su-30 fighter asin A-50 early warning plane kan Russia sa Sea of Japan.
Komo kasimbagan, ipinakuriyat an Japan Air Self-Defense Force fighter jets, alagad maski sigun sa ministry official dae linaog kan Chinese asin Russia aircraft an airspace kan Japan.
