Pigsierto kan Department of Agriculture (DA) na makakaresebir nin fuel subsidy an mga parasira asin paraomang apektado kan padikit-dikit na pagpapautob kan dakulang umento sa presyo kan produktong petrolyo ngunyan na semana.
Sigun ki Agriculture Sec. Francisco Tiu Laurel Jr., naglaan an ahensiya nin ₱150 million o tig-₱75 million na pondo para sa fuel subsidy kan mga parasira asin paraoma sa irarom kan 2025 General Appropriations Act.
Sinaysay man ni Agriculture spokesperson Assistant Secretary Arnel de Mesa na iluluwas an pondo sa oras na magpakol an presyo sa US$80 kada bariles kan Dubai crude oil.
Posible man soboot na dae pa mamatean sa ngunyan an epekto kan conflict sa Middle East sa presyo kan mga pataba asin pwedeng mamatean ini sa huring quarter kan taon.
Naenot ng pigsierto kan opisyal na igwang bastante na suplay kan mga pataba sa nasyon na pigkakarkulong mahaloy pa hasta sa katapusan kan 2025.
