NAGA CITY- Nagsuntukan an duwang mga deboto ni Nuestra Señora de Peñafrancia sa katahawan kan nagpapadagos na Traslacion Procession sa ciudad nin Naga.
Sa nagunong impormasyon kan Bombo Radyo Naga, napag araman na bigla na sanang nagsuntukan an duwang mga burat na deboto sa kasentrohan kan ciudad.
Nagsapo nin lugad sa saindang lawas an nasambitan ng mga indibidwal asinn tulos man idinalagan sa ospital.
Nagpapadagos pa ngunian an imbestigasyon kan kapulisan katakod kan pangyayari.
Meintrastanto, nailuwas na man ngunian an imahe ni el Divino Rostro asin nakatalaan ng isunod na iluwas an imahe ni Ina.
