Matrayumpong naikundusir kan Bombo Radyo Philippines, katuwang an Bombo Radyo Philippines Foundation, Inc. asin an Philippine Red Cross, an Dugong Bombo 2025, an largest single-day voluntary bloodletting event sa nasyon.
Ipigkundusir ini nin sarabay sa 25 key areas sa bilog na Pilipinas, kaibahan an 32 fully digitalized AM asin at FM stations kan network.
Sa ibong kan danyos na dara kan makukusog na bagyo asin matinding linog na nagtama sa nagkapirang rehiyon, nalampasan kan Dugong Bombo ngunyan an record kan nakalihis na taon.Liwat kaining pinagtibay an kusog, malasakit, asin diwa kan boluntaryong pagtabang kan sambayanang Pilipino.
Nag-abot sa 4,657 bag kan dugo an nakolektar, katampad kan 2,095,650 cc, 2,095.65 litro, o 553.61 galon, o poco mas o menos 10 drum kan dugo na makakapagsalbar nin buhay.
Sa tahaw kan padagos na pagbuhat kan nasyon gikan sa mga kalamidad, nagkaigwa nin mas hararom na kahulugan an taunang kaganapan.
Mga Pilipino gikan sa manlaen-laen na sektor, mga estudyante, obrero, unipormadong personahes, propesyunal, asin mga samahang pangkomunidad, nag-alay nin dugo sa ibong kan huma kan panahon.
An saindang tapang asin malasakit, an patunay kan matibay na bayanihan na padagos naglaladawan sa pagkataong Pilipino.
Sa harong duwang dekada, an Dugong Bombo, an nagsirbing importanteng lifeline para sa mga komunidad sa bilog na kapuluan.
Taun-taon, rib-ribung yunit kan dugo an naipagkaloob tanganing masuportaran an mga pasyente sa oras kan emerhensiya, pangangaki, operasyon, pagbulong sa kanser, asin iba pang kritikal na pangangaipuhang medical.
Sa temang “A Little Pain, A Life to Gain,” pigtatawan-duon kan programa na alagad maski pirang minuto sana asin kadikit na kirot an dara kan pagtatao nin dugo, pwede kaining tawan an kapwa Pilipino nin saro pang tiyansa tanganing mabuhay.
Sa ibong kan mga makabagong teknolohiya sa medisina, nagtitinir na mayong karibay nin dugo kan tawo, kaya an mga boluntaryong donor an importanteng katuwang sa pagsalbar nin buhay.
Nagpahayag nin bilog na suporta an Catholic Bishops’ Conference of the Philippines (CBCP) sa Dugong Bombo 2025.Pig-eenkaminar kaini an mga mananampalataya na makiparte asin pigsaladawan an pagtatao nin dugo komo gibo kan pananampalataya, pagkakawanggawa, asin pagpadangat sa kapwa, sarong patunay na pagpapahag kan misyon kan ng Kristiyanismo na pangatamanan asin ipagtanggol an dangal kan buhay.
Sa pagtatapos kan Dugong Bombo 2025, liwat na pinagtibay kan Bombo Radyo Philippines, kaibahan an mga katuwang kaini, an promesa sa makatawong pagserbi, pagpapatibay kan komunidad, asin pagbibilog kan nasyon.
An taunang inisyatiba an nagtitinir na patunay sa misyon kan network na magsalbar nin buhay kan mga Pilipino, sa lambang importanteng donasyon.
Nagpapaabot nin pasasalamat an Bombo Radyo Philippines sa:
– gabos kan matrayumpong donor
– mga donor na dae nakapasar alagad nagpahiling nin kamawotang magtabang
– mga boluntaryo asin medical teams
– mga sponsor asin katuwang na institusyon
