NAGA CITY- Liwat na pinagirumduman kan Federation President kan FETODA sa siyudad nin Naga an saindang mga miyembro na likayan an anuman na pang-aabuso sa mga pasahero orog na ngunyan na kapaskuhan.
Sa entrevista kan Bombo Radyo Naga ki Gil Belen, Federation President kan Fetoda Naga City, sinaysay kaini na tuyong igwang dakulang okasyon siring kan pasko, fiesta asin iba pa nagkakaigwa nin bulanang pag-urulayan an FETODA tanganing liwat na pagirumduman an saindang mga miyembro sa mga dapat na gibuhon siringman an mga paglikay sa ipinagbabawal na gibuhon.
Sigun pa sa opisyal, padagos an saindang pagirumdom sa mga driver na dae pagsamantalahon an sitwasyon orog na an mga bisita sa siyudad tanganing mamantinir an marhay na reputasyon kan transport sector kan lugar.
Katakod kaini, pig-ako man kan opisyal na igwang mga pasaro-saro na mga drivers an nagpapasaway alagad padagos soboot ninda ining piggigibuhan nin aksyon tanganing dae magdakula an problema asin tolos na mauntok an salang gibuhon.
Dugang pa ni Belen, padagos man an saindang abiso sa mga drivers na magsunod sa tamang pagsingil nin pamasahe orog na sa mga senior citizen, student asin PWDs siringman an pagbalik kan mga gamit na nawawalat sa laog kan mga tricyle.
Sa ngunyan, magkakaigwa nin meeting an FETODA sa maabo na Domingo tanganing pag-urulayan an dapit sa maabot na kapaskuhan.
