Kinumpirmar ni House Speaker Faustino “Bojie” Dy na naghagad na ini nin tabang sa Department of Justice (DOJ) tangani kanselaron an pasaporte kan nagbutas na si dating Ako Bicol Partylist Rep. Zaldy Co sa tahaw kan mga imbestigasyon sa saiyang nagin papel soboot sa korapsiyon sa flood control projects.
Sigun ki Speaker Dy, tulos kaining inapudan an sekretaryo kaito kan Justice Department na si Sec. Jesus Crispin Remulla, na ngunyan an Ombudsman na, magpuon kan magbutas sa pwesto si Co kan nakalihis na Setyembre 29 tangani hagadon an tulos man na akisyon tangani mahigutan an pagbiyahe kaini sa ibang nasyon.
Paliwanag ni Dy bagaman mayo sa hurisdiksiyon kan DOJ an pagkanselar kan pasaporte ni Co, hinagad na soboot kaini an assistance kan ahensiya huli ta ini an iyong nangangasiwa sa Bureau of Immigration asin makakatabang ini tangani man maparikas an coordination process.
Pigsierto man ni Remulla na magibo nin kaukulang aksiyon an DOJ sa pinakamarikas na paagi.
Sigun pa sa House Speaker, hinagad na man kan DOJ sa Department of Foreign Affairs (DFA) na mag-inisyatiba sa pagkanselar kan nasambitan ng pasaporte ni Co.
