Pigtalaan na ni Senadora Risa Hontiveros na sa Nobyembre 26 an huring pagdangog kan Senado dapit sa mga iligal na operasyon kan Philippine Offshore Gaming Operators o POGO sa nasyon.
Sa pulong balitaan, pigsaysay ni Hontiveros, chairman ng Senate Committee on Women na ini na an huring ikakasang pagdangog dapit sa POGO asim imbitado pa man giraray si dating Bamban Mayor Alice Guo asin nagkapira pang personalidad na ma atendir sa mga nakalihis na imbestigasyon.
Segun pa sa senadora, igwa nin bagong impormasyon na nagunk an saiyang tanggapan partikular sa pagkakaigwa nin espiya kan china sa nasyon.
Alagad aniya igwa nin Executive Order nin pagbabawal kan POGO, igwa nin mga dae pa man malinaw sa EO na pigluwas kan malakanyang.
Sa masunod na imbestigasyon, ibubuyagyag an mga reporma sa ley tanganing wakasan an POGO asin iba pang scam na nambibiktima sa mga Pilipino. Basado man sa impormasyon ni Hontiveros, igwa nin mga opisyal kan gobyerno nin nagkukumpas sa mga POGO na magpanggap komo legitimate business siring kan BPO.
Saro pa sa mga magigin paksa soboot sa huring imbestigasyon sa masunod na semana iyo an guerilla operations kan POGO asin mga big fish siring ni Alice Guo na nagpapadalagan kan POGO sa nasyon.
Huli sa pagpapasarado nin mga darakulang operasyon kan POGO sa nasyon kun saen kadakol na Pilipino an nawaran nin trabaho, nagtutubod si hontiveros na makusog pa man an posibilidad na makahanap sinda nin hanap-buhay.
Sa katunayan soboot an job fair kan Department of Labor and Employment, kadakol an mga nag atendir na kumpanya tanganing maghire nin mga Pinoy na aram nindang gikan sa POGO.
