NAGA CITY- Nagin enot na benepisyaryo an sarong eskwelahan sa siyudad nin Naga sa piglunsar na P20 na kilo kan bagas sa rehiyong Bicol.
Sa naging paghampang sa mga kagawad kan media ni Mario Villanueva, Presidente kan Naga College Foundation, sinaysay kaini na an nasambitan ng programa an pinangenotan kan Department of Labor and Employment, Department of Agriculture asin National Food and Authority susog sa kasugoan kan National Government orog na an promesa kan Adminstrasyong Marcos na magkaigwa nin P20 na kada kilo kan bagas.
Katuwang man digdi an Metro Naga Chamber of Commerce and Industry, tanganing makaresiber kan siring na kantidad kan bagas an mga empleyado kan nasambitan ng eskwelahan komo enot na benepisyaryo sa siyudad nin Naga.
Sigun ki Villanueva, madagos man an pagdistribwer kaini kada bulan, kun saen, makikipagkoordinar an Metro Naga Chamber of Commerce and Industry sa DA asin DOLE.
Marurumdoman, piglunsar sa enot na pagkakataon an nasambitan ng program sa siyudad nin Naga kan sarong aldaw kun saen, kun saen, sa rehiyong Bicol nasa labi 17,000 na an nabenepisyaran sa enot na nakalista kan presenteng bulan.
