NAGA CITY – Piglinaw kan pamayuhan kan Naga City Bicycle Board Coordinator na mayo man nin nagin kasuguan an lokal na gobierno kan Naga asin an saindang lado na nagbabawal sa mga e-bike users gikan sa mga pagtaraid na banwaan na maglaog sa syudad.
Sa nagin paghampang sa mga kagawad kan media ni Boboy Hernandez, Naga City Bicycle Board Coordinator, sinaysay kaini na igwa kaya soboot nin nagluwas na isyu na dae na pigtutugutan an mga e-bike users gikan sa mga pagtaraid na banwaan na maglaog sa syudad.
Tinawan duon man ni Hernandez na an patakaran sa ordinansa an mga e-bike users an tutugutan na makalaog sa Naga kun an saindang mga behikulo an rehistrado sa syudad.
Alagad an mahigot na ipinagbabawal an pag pick up nin mga pasahero huli ta an mga e-bike soboot an “NOT FOR HIRE.”
Sa presente igwa naman nin nasa 2,500 na mga rehistradong E-bike users an syudad na labi man na nakakaapektar sa lado kan transportasyon huli ta nawawaran na nin pasahero an ibang pampublikong behikulo.
Kadaklan man sa mga naggagamit kan E-bike sa syudad an mga nag-eedad 30-80 anyos kun sain 80% an mga kababaihan.
Dugang pa kan opisyal na kadakol man nin mga alternatibong agihan na pupwedeng agihan kan mga e-bike users na gikan sa luwas kan Naga palaog tanganing malikayan an pag-agi sa mga highway.
Pig-aacknowledge man soboot ninda an mga bayolasyon na dapat nindang likayan tanganing malikayan na magkaigwa nin record.
