NAGA CITY- Nagkundusir nin final coordinating meeting an pamayuhan kan komitiba sa pagkundusir nin Military Parade dapit sa mga dapat pang ipalantsa katakod sa ikukundusir na Bicol Regional Military, Bicol Regional CTP/ Mapeh/DRRM Parade Competition, Regional BSP/GSP Parade& DXMC Competition.
Sa nagin paghampang sa mga kagawad kan media ni Naga City Councilor Omar Buenafe, sinaysay kaini na sa nasambitan ng meeting pinag-urulayan an gabos na kaipuhan pang linawon kan mga mapartisipar na eskwelahan.
Sigun sa opisyal, tinawan dalan an mga issues and concerns tanganing pag-abot kan oras o sa mismong aldaw kan event mayong mairehistro na aberya.
Apwera digde, napag-ulayan man sa meeting an preparasyon para sa pasilidad, sa venue asin kun anong oras an pagpuon siringman an mga isasaradong tinampo tanganing well-coordinated an gabos.
Kaipuhan soboot na i-mobilize an koordinasyon tangani man na magin smooth asin matapos nin amay para sa pagtaong dalan sa iba pang aktibidad.
Pigsierto man ni Buenafe, na yaon an manlaen-laen na security clusters para sa seguridad kan gabos na mga participants asin magin kan mga nagdadalan.
