Mahigot na pigpautob ni Presidente Ferdinand R. Marcos Jr. an pagbabawal sa pakikiiba kan mga politiko sa pagheheras kan cash asin iba pang tabang-pinansyal sa irarom kan 2026 General Appropriations Act (GAA).
Sigun sa Presidente, an pondo kan gobyerno dapat direktang mapaduman sa mga benepisyaryo asin dae magamit sa pamumulitika.
Pigtawan duon ni Marcos Jr., an pagheheras kan ayuda maagi sana sa mga ahensiya kan gobyerno tanganing malikayan an patronage politics asin masierto na bilog asin tama an marereseber kan namamanwaan.
Saklaw kan patakarang ini an mga programang Assistance to Individuals in Crisis Situation (AICS), TUPAD, 4Ps, magin man an cash grants asin pensyon para sa mga senior citizen asin persons with disabilities.
Kasabay kaini, pigpapapusog man kan 2026 national budget an Local Government Support Fund tanganing masuportaran an mga proyekto kan mga lokal na gobierno sa kabuhayan, kaunlaran, asin kasalbaduhan kan komunidad.
Nanindugan an Presidente na ipapautob an pambansang pondo alinsunod sa umiiral na mga ley asin regulasyon.
Huli digde, may pirang pondo an isasairarom sa conditional implementation, kaibahan an para sa pensyon, capacity development programs, foreign service posts, asin pirang social asin infrastructure programs.
