Tapos na an maliligayang araw kan mga imbwelto sa maanomalyang flood control projects. Ini an pigtawan-duon ni Presidente Ferdinand Marcos Jr.
Sa press briefing digde sa Malakanyang, sinaysay ni Presidente Marcos na dae magigin Merry an Christmas kan mga tawong ini huli ta talagang bubukudon asin makukulong an mga ini.
Kaibahan sa mga binanggit kan Presidente na igwa nin mga kaso sa Office of the Ombudsman an nagkapirang DPWH official siring ninda Henry Alcantara, Bryce Hernandez, Jason Mendez, asin mag-agom na Discaya.
Kaibahan soboot sinda sa 37 na mga pangaran na nahiling na imbwelto sa mga anomalya sa flood control projects.
Kaibahan sa inireport ni Presidente Marcos iyo an pagkumpiskar sa 13 luxury vehicles kan mga Discaya huli sa irregularities sa documentation kan saindang importation.
Kinasuhan na man nin criminal charges sa Ombudsman an St Timothy Construction, Wawao builders asin SYMS Construction trading.
Nagpuon na man an pagpapaluwas nin AMLC nin freeze orders, nasa kabilogang pitong freeze orders ini na nagkakantidad nin P6.3 trillion. Nasa 37 indibidwal kaibahan an mga kongresista, dating mga DPWH officials asin contractors an pigsumiter kan ICI sa Ombudsman.
