Malinaw soboot para ki Kamanggagawa Partylist Rep. Eli San Fernando na pare-parehas an imbwelto sa budget insertions asin maanomalyang flood control projects sinda Presidente Ferdinand Marcos Jr., dating Speaker Ferdinand Martin Romualdez, asin dating Congressman Elizaldy Co.
Sinaysay ni San Fernando, dae abswleto sa katiwalian si Co maski pa ini an nagbuyagyag na si PBBM mismo an nag-sugo kan P100 billion na insertions sa 2025 National Budget kun saen soboot ini nagkobra nin 25% o P25 billion.
Pigbuyagyag man ni Co na magin sa mga proyekto sa Bulacan nakakua man nin kickback na P56 billion sinda President Marcos asin Romualdez.
Pigtawan duon ni San Fernando, nagluwas sa expose’ ni Co na nagigin posible an korapsyon sa mga proyekto o kontratra sa gobierno huli sa pagtatabangan kan mga opisina o kan mga kawani asin mga opisyal kan gobierno puon sa pinakahababa hasta sa pinakahalangkaw na posisyon.
