NAGA CITY – Nangapodan an lado kan Naga City Police Office sa bubukasan na Peryahan sa papaabuton na kafiestahan sa Ciudad kan Naga.
Sa entrevista kan Bombo Radyo Naga ki PSSG Robert Aguillon- Asst. PIO, Naga City Police Office, sinaysay kaini na an peryahan an nasa pangangataman o regulated kan Local Government Unit kan Naga na kun saen, sainda nagkukua nin permit asin sinda man an mag iisyu kaini.
Alagad signatory man igde an mga kapulisan kun saen pigsisiguro ninda na mayo nin mangyayaring sugalan sa laog mismo kan peryahan.
Mahigot na pighayag kan opisyal na an peryahan an dapat masirbing amusement sana kaya man nagkakanigo sana na mayong imbweltong arin man na klaseng sugal igde.
Alagad kun matawan man nin permit, dapat sana na ibugtak ini sa dae bukas sa publiko, orog na ta an carnival, mga aki an naglalaog digde para maglibang.
Kaya man, kun bukas ini sa publiko, magkakaigwa ini nin violation sa ley.
Sa ngunyan, pig-inkaminar pa ni Aguillon an mga kunstituwentes na kun igwa man na manutaran na nagsusugal sa laog mismo kan carnival, nagkakanigo sana na mai-report tulos sa pinakaharaning himpilan o mag apod sa 911 hotline.
