Pig-inkaminar kan Philippine National Police (PNP) an publiko na magin mapagmasid asin tulos na isuplong sa saindang opisina an ano man na nangyayaring pagbakal asin pagpabakal kan mga boto ngunyan na national asin local elections.
Sigun ki PNP Chief Gen. Rommel Marbil na dae sinda mag duduwa-duwang isip na arestaron an sisay man na madakop na nagpapabakal o nagbabakal na nin mga boto.
Mahigot man an patanid kaini sa mga kapulisan na pakusugon pa an monitoring asin imbestigasyon laban sa mga vote selling asin vote buying.
Pigsierto man kaini na dae kaini papalagpason na matawan nin magabat na kapadusahan kun may pulis na imbwelto sa pagsawsaw sa pulitika.
