Nagpahayag nin labing kamunduan si Pope Leo XIV makalihis an pagkagadan kan tolong katawo mantang sinda an yaon sa sarong Simbahang Katolika sa Gaza City.
Pigsaysay kaini na labing nakakahadit asin nakakamundo an ginibong airstrike kan Israel sa Holy Family Church.
Sa nasabmbitan ng insidente igwang siyam na iba pa an lugadan kabali na an Kura Paroko.
Pig-ako man kan foreign ministry kan Israel na dae ninda pigtuyo na tamaan an mga religious site orog an madamay pa an mga sibilyan kun saen pigiserto ninda na pag-aadalan an pangyayari.
Kadakol kayang mga residente kan Gaza an paramientras na nakaistar sa simbahan puon kan pahiguton kan Israel an saindang pag-atake.
Kan buhay pa si Pope Francis pirme kaining pig-aapudan an simbahan asin pigkukumusta an kamugtakan kan mga residentes na naapektaran kan giyera.
Huli digde, liwat na nangapudan si Pope Leo XIV kan panghaluyang ceasefire sa pag-ultanan kan Israel asin Hamas.
