Paghali ni Department of Foreign Affairs (DFA) Undersecretary Eduardo de Vega an pangamba kan publiko dapit sa posibilidad kan pagkakagamit sa mga Enhanced Defense Cooperation Agreement (EDCA) sites kan Pilipinas sa mga giyera sa Middle Eastern Region huli sa paglaog kan Estados Unidos.
Sigun ki Usec. De Vega, sa nagin pag-uulay ninda outgoing Foreign Affairs Sec. Enrique Manalo asin US State Secretary Marco Rubio, dae napag-ulayan an nasambitan ng posibilidad.
Dawa pinag-ulayan soboot an commitment kan Estados Unidos asin Pilipinas para sa kada saro kasunod kan paglaog kan Estados Unidos sa Israel-Iran War, dae napag-ulayan digdi an pagkakagamit sa mga site kun enkaso maglala an tensyon sa nasambitan ng rehiyon.
Posible man soboot masyadong harayo an Pilipinas sa Middle East tanganing idamay pa an mga site.
Inihalimbawa kan opisyal an pambobomba kan Iran sa Qatar kun saen yaon an airbase kan Estados Unidos nin huli ta an nasambitan ng nasyon an saro sa pinakaharani na kataid kan Iran.
Apwera pa digdi, tinawan-duon man ni De Vega na may magayon na relasyon an Pilipinas sa ibang mga nasyon sa Middle East.
Mientrastanto, padagos na naglalaom an DFA na magpapadagos na an untok-putukan sa pag-ultanan kan Israel asin Iran, sa tabang kan US asin iba pang mga nasyon na matabang tanganing mamantinir an katoninongan sa Middle East.
