NAGA CITY- Pigbubusol ni Agri Party-list Representative Wilbert “Manoy” Lee an pagpapatindog nin potable water supply system sa bilog na nasyon.
Nakapalaog digdi sa House Bill No. 10531 o prosopwestong “Rural Potable Water Supply Act” na enkaso naisaley an tatagamahan nin inisyal na pondong 500-milyong piso asin sa mga masunod na taon an ipapalaog na sa national budget.
An prosopwesto ni Lee an nag-uyon sa direktiba ni President Ferdinand “Bongbong” Marcos Jr., sa Department of Environment and Natural Resources (DENR) na hanapan nin kongkretong solusyon an kawaran nin access sa malinig asin salbadong tubig kan 40 milyong Pilipino.
Ipinunto pa ni Lee na an satuyang nasyon an napapalibotan nin tubig alagad paha asin tuyot an milyon-milyong Pinoy sa salbadong inumon.
Sa prosopwesto ni Lee, an pagpapantidog nin portable water supply system an pangengenotan kan National Water Resources Board katabang an Department of Health (DOH), DENR, Department of Social Welfare and Development (DSWD) asin an Department of Public Works and Highways (DPWH).
