Pighurot ni Chairman Emeritus kan Alyansa Bamtay sa Kapayapaan at Demokrasya (ABKD) na si Dr. Jose Goitia na dapat igwang ebidensiya si former Ako Bico Rep. Zaldy Co dapit sa saiyang iniluwas na ‘revelation video’.
Nagtutubod si Goitia na kinakaipuhan magpahiling ni Co nin patunay katakod sa pagdawit kaini kina Presidente Ferdinand Marcos Jr., asin former House Speaker Martin Romualdez sa isyu kan korapsiyon.
Sa ikaduwang video na iniluwas kan lehislador, nagtutubod ining mistulang pagkriar sana ini nin ribok o ‘theatrics’. Kun kaya pinagiromdoman ni Dr. Goitia na an siring na klase kan pahayag o pigkokonsiderar na ‘drama’ an bakong sarong ebidensiya.
Hurot pa kaini na kulang an video asin dapat ini igwang kaibahang dokumento na beripikado tanganing magin katubod-tubod.
Sa iniluwas kayang ‘part two’ kan ‘revelation video’ ni Co, saiyang isiniwalat an pagdeliber kan male-maletang kwarta na ipinadara soboot kina President Marcos asin former House Speaker Romualdez.
Alagad marurumdumang sinaysay man kan Department of Justice na an mga alegasyon o pahayag ni Zaldy Co an dae makakaapektar sa imbestigasyon hasta dae pigsusumiter sa ahensiya.
Kun kaya pigtawan-duon ni Dr. Gotia na kun totoo an paratang kan dating lehislador, dapat kaining ilahad an mga ini sa nasyon.
