Naglalaom si House Ways and Means Chairman asin Albay Representative Joey Salceda na marikas man na maaprobaran sa senado an prangkisa kan Meralco.
Ini makalihis na mapasa sa Kamara an 25 taon na prangkisa kan Mercalco sa ikatulo asin ultimong pagbasa.
Pigsaysay ni Salceda na an MERALCO sarong halimbawa kun pano an service reliability makaka-kriar nin pagtalubo asin pag-uswag kan ekonomiya.
Basado sa estimasyon hale sa PSA input-output tables asin datos gikan sa ERC sa mga outages o pagkawara nin kuryente huli sa supply nin kuryente kan mga distribution utilities, an nasyon magkakaigwa nin net gross value added na P204.29 bilyon kada taon kun an gabos na mga kooperatiba asin mga utility na nagperform siring kan Meralco.
Dugang pa ni Salcedo na resulta ini kan poco mas o menos P220 bilyones na pigpuhunan kan MERALCO para sa pagbawas kan system losses asin system interruption.
Huli kaini, sinabi ni Salceda na dae makangangalas na maabot na sa 40 lokalidad an naghagad sa MERALCO na okuparon an mga ini.
Natapos na man kan Meralco an mga patakaran asin mga isyu na hinahagad kan ERC. P48.3 bilyon na refund kan mga konsumidor an naiwaras na man.
Sinabi ni Salceda na huli ta paorootro kaining pighuhurot na an papel kan proseso nin pagrepaso kan prangkisa sa Kongreso iyo na hilingon kun an sarong grantee nagsunod sa mga mandato kaini.
Naotob na ngonyan kan Meralco an katapusan kan presenteng ley sa prangkisa.
